根據每款入圍新車的性能與操控表現、整體設計和裝備配搭、乘坐舒適度跟整體實用性，以至是否物超所值等多個環節，編輯部按不同類型車種，評選出《Car Of The Year Awards 2024》得奬車款。2024年新車登記數目有46,709部，比起2023年的44,169部，錄得2,540部增長，但增長幅度明顯放緩。儘管如此，受惠於政府的「一換一」電動車稅務寬減優惠，電動車仍在本港市場佔有領導地位。去年本港新登記的電動車數目有33,206部，比汽油車的13,503部，多出達19,703部，故入選並奪得《Car Of The Year Awards 2024》的車款，都是以電動車為主。Electric Hot Hatch of the YearABARTH 500e Hot Hatch以細小輕巧性能強作賣點，而走這路線的ABARTH 500e，更多加電動車零排放這項優點。雖然跟FIAT 500e由同一底盤發展而成，但馬力、扭力分別調升至155hp和235Nm，0-100km/h加速可在7秒內完成。如此表現令ABATH 500e優於同級對手，因而獲選為「Electric Hot Hatch of The Year」。Electric Large Luxury MPV of the YearDENZA D9 主攻電動豪華MPV市場的DENZA D9，有單摩打前驅、雙摩打四驅兩個版本選擇，馬力高達369hp，結合103kWh BYD刀片電池，WLTC續航距離最多有520km。在氣派十足的造型內，豪華配備一應俱全，中排是獨立大班椅，兼具記憶、按摩和通風功能，而具備冷凍和保溫功能的雪櫃、以中控台15.6吋觸控屏幕為中心的DENZA Link超智慧互動座艙，都是DENZA D9的標準配備，也是被評為「Electric Large Luxury MPV of the Year」的必要條件。Electric Performance Car of the YearHyundai Ioniq 5 Ioniq 5是備受本港市場歡迎的韓國電動車之一，配備應有盡有，又有三個版本供選擇。其中頂級四驅版馬力有325ps，扭力61.7kgm，5.3秒就可以完成0-100km/h加速，性能之強更勝同級，甚至是汽油車對手，獲選為「Electric Performance Car of the Year」更是當之無愧。Luxury Urban SUV of the YearLexus LBX 在市場一片支持電動車的聲音中，凌志卻以配備Hybrid混能系統的LBX，成功擄獲車迷歡心。全線三個版本均以1.5公升三汽缸引擎，配第五代hybrid混能系統，動力充沛兼錄得5.1L/100km平均耗油紀錄。極富動感的造型，加上豪華設備的車廂，令LBX成功獲選為「Luxury Urban SUV of the Year」。Electric Premium 4x4 SUV of the YearMercedes-Benz G580e 面世已有50年的平治G-Class，素以剛猛形象示人，而G580e更加入如G-TURN、G-STEERING等多項新技術，令它更切合車系的剛強越野個性。四組獨立控制的電動摩打，最大馬力587hp，0-100km/h只需4.7秒，性能僅次於平治AMG的G63。結合車廂內的多項豪華配備，G580e獲選為「Electric Premium 4x4 SUV of the Year」可謂實至名歸。Electric Performance SUV of the YearPorsche Macan Turbo Electric 搖身一變成為純電動車的保時捷Macan Turbo Electric，屬Macan系列的第二代型號，並發展自最新的PPE電動車底盤。搭載的前後摩打，構建成四驅系統外，更帶來639ps最大馬力，還有1,130Nm峰值扭力，0-100km/h加速只需3.3秒，極速260km/h。單憑以上數字，加上操控出色，已足夠讓Macan Turbo Electric奪得「Electric Performance SUV of the Year」奬項。Electric Luxury Coupe of the YearRolls-Royce Spectre 長近五米半的Spectre，既是一款電動雙門Coupe，也是勞斯萊斯涉足電動車界別的首個車型。充滿貴氣的造型，擁有一對電動輔助，廠方稱之為Effortless Doors的車門，即使長達1.5m，乘客仍可輕鬆開關，而且是勞斯萊斯首款配備「星光車門」的量產車型，而氣派車廂亦加入了大量數碼配備，享受程度更上一層樓，加上由前後雙摩打帶來584hp總馬力，總扭力900Nm，令重近三噸的Spectre，0-100km/h加速僅需4.5秒，全都是「Electric Luxury Coupe of the Year」獎項得主的必備條件。Electric SUV Coupe of the Yearsmart #3 轉型成電動車生產商的smart，儘管旗下車型已不再是fun car，但新登場的#3，卻以近年市場熱捧的Coupe SUV形態示人。#3全長4,400mm，軸距2,785mm，尺碼比同門的#1大，造型亦富動感得多。車系頂級的BRABUS版本，具備跑車化的外觀和車廂配備外，前後雙摩打輸出馬力428ps，0-100km/h加速只需3.7秒，66kWh電池則可帶來415km續航距離，令smart #3 成為「Electric SUV Coupe of the Year」首選。Electric Urban SUV of the YearXPENG G6 XPENG G6是首款採用一體式壓鑄車身的國產SUV，好處是電池同車廂地板融為一體，可助降低車身重心和提升車廂空間。4.8m車長結合XPILOT 2.5智能駕駛系統、360鏡頭，以及31個感應器，令G6可輕鬆於城市內遊走。另外，輸港G6分有標準和長續航兩個版本，其中775 Pro長續航版，後置馬達馬力285ps，配87.5kWh電池，WLTP續航距離570km。車輛本身又支援280kW直流電快充，20分鐘就可以由10%回復至80%電量，適合日常通勤使用，故G6獲評為「Electric Urban SUV of the Year」可謂當之無愧。Best Electric Vehicle Charging Service ProviderHalo Energy Limited 電動私家車在本港的數量愈來愈多，對充電設施的需求亦相應提升。以香港為基地的Halo Energy Limited，自2021年起為本港的電動車用家，提供適切的充電設施和方案，並特別在茘枝角開設Halo Hub電動車充電體驗中心，讓電動車持份者提供充電製作訓練、使用體驗分享和推廣，藉此提升巿場對電動車，以及相關充電設施的認識之外，並已開拓商用車，包括旅遊巴、的士及貨車的充電服務設施。

《Car of the Year Awards 2023》大獎，由編輯部根據每架新車的性能及操控、設計及配備、舒適及實用、物有所值等環節評分，並按不同類型，選出獲獎的新車。 2023年新車市場變化極大，新登記私家車總數達44,169架，較2022年的37,478架增長17.85%，而因為政府的電動車一換一稅項寬減政策，新增的電動車市場佔有率達64.6%，影響所及，入選《Car of the Year Awards 2023》的新車，亦以電動車佔大多數。 Electric Performance Car of the Year BYD Seal – JC Motor 針對運動性能而開發的BYD Seal，操控的確有動感，車身剛性亦非常穩固，高速劈彎時車身body-roll也抑制得很好，而且續航力也視乎不同型號，可提供510至650公里的行車里程，並以出色的性能，以及動感與舒適之間的良好平衡，獲選為Electric Performance Car of the Year。 Electric Sedan of the Year Hyundai Ioniq 6 設計大膽而優美的外觀，早已獲得國際設計大獎，加上擁有快速充電速度、583公里的長續航力、山路快跑夠貼服，舒適的內裝及出色的車載技術及功能，售價亦相當有吸引力。 Electric Luxury MPV of the Year MAXUS MIFA 9 (Premium) MIFA 9是以純電動底盤設計而成的MPV，前、中排座椅均採用高級Nappa真皮，配備按摩及具備冷暖座椅等功能，第三排的腿部舒展空間亦十分充裕，在WLTP測試標準下最高續航里程430km，於市區行駛更可超過500km；又在歐洲E-NCAP撞擊安全測試中，獲得型MPV五星評分。 Luxury Japanese Electric SUV of the Year Lexus RZ 採用純電動車e-TNGA底盤發展而成的Lexus RZ，配上數碼儀表板及HUD抬頭顯示，醒目易用的14吋全高清輕觸控式螢幕連Apple CarPlay，搭載雙摩打DIRECT4智能四輪驅動系統，續航力以J-WLTC計算為472公里，是一款造工及用料都非常精緻的豪華電動SUV。 Luxury Electric SUV of the Year Mercedes-Benz EQS SUV 平治EQS SUV，無論造工及用料都十分精緻；至於搭載前、後兩個永磁同步摩打，四輪驅動的EQS SUV 580 4MATIC，充滿一次電，可提供632公里 (WLTP) 的續航力。由於軸距達3,210毫米，所以車廂空間更為寬敞，第二排座椅可以電動調較，是一款駕乘舒適，空間寬敞而實用，而且滿載平治最新技術的豪華電動SUV。 Electric Fun Car of the Year ORA FUNKY CAT 400 GT 在廠方強調的復古未來感（Retro Futuristic）外形設計之外，Funky Cat 400 GT再增添跑車感，車尾更配上刻有GT印章的專屬尾翼，快速充電可在46分鐘由20%充至80%電量，最長續航距離400公里。設備又有冷暖通風及按摩前座、10.25吋螢幕連Apple CarPlay、並配備多項智能駕駛輔助系統，除此之外，又新增了Launch Control，提供彈射起步功能，為用家提供不少玩味。 Luxury SUV of the Year Range Rover Sport 新一代Range Rover Sport外形更簡潔醒目，配備更先進的車載技術，又有強勁而又輕鬆易控的全地型越野性能，新的動態氣壓懸掛，令操控更為輕鬆靈敏，寬敞而豪華的車廂，用料更高級精緻，提供第一流的駕乘享受，完全滿足豪華SUV買家的需求。 Urban Electric SUV of the Year smart #1 無論是外形、車廂空間及內飾、性能及安全性，smart #1 都有令人眼前一亮的感覺；新車大了，也實用了，而整體依然有smart的原有味道與感覺，經濟實用的smart #1 Premium有440公里的續航力，最難得係Brabus版本，3.9秒的0-100km/h加速，性能已直迫超級跑車。 Hybrid SUV of the Year Toyota Corolla Cross 由住家男人化身為陽光暖男，形象立即年輕有活力，至於HEV混能版，可說是針對家居車位沒有充電設施的消費者而設，加上設備十分豐富，主動安全設備亦非常齊全，又有原廠360度全景泊車影像系統，還有雙區域自動恆溫冷氣系統連nanoe X納米離子空氣淨化功能，是一款既慳油實用，又年輕有活力的家庭車。 Best Electric Vehicle Charging Service Provider Halo Energy Limited 完善的電動車充電及營運服務，除了提供硬件設施，最重要是可以由建設充電設施，以至運作系統方案，都可以提供令用家方便使用的服務及營運系統方案。以香港為基地的Halo Energy Limited，由2021年開始在香港建設及營運充電設施網絡，除了提供方便易用的服務及營運系統方案，同時也提供維修保養服務，再加上簡單易用的充電App，發展至今已成為香港最大的快充網絡營運商。

2021年試了不少新車，當中有10架編輯部認為最值得推薦，而其中5架係電動車。

2021年試了不少新車，當中有10架編輯部認為最值得推薦，而其中5架係電動車。 Ten Best 2021│最好劈BMW M3 Competition揸住呢架新M3，只要你夠膽踩油，650Nm嘅強大扭力就會不斷刺激你嘅腎上腺素急升 ，而且只需3.9秒，就可完成0至100km/h加速。 連結：非常好劈Ten Best 2021│最有型Aston Martin DBX來自英國嘅DBX，又偏偏用咗德國AMG嘅動力心臟， 死硬派英國車迷未必會鍾意，但由撻匙嘅一刻開始，到你嘅右腳忍唔住不斷向油門施壓，副AMG V8引擎就變成好細膩又非常之馬田嘅澎湃呼嘯聲感受，係可以在山路上享受嘅SUV。 連結：英式豪情Ten Best 2021│最夢幻Porsche 718 Cayman GTS 4.0如果你鍾情手波跑車，當保時捷宣佈為Cayman GTS改配可以發出轟天動地嘅自然吸氣水平對向6汽缸引擎，而且係來自Cayman GT4相同嘅4公升引擎，波子迷肯定笑到合唔埋口；而且GTS只係性能略為調得冇咁火爆，例如最大馬力由420ps調為400ps，而引擎每分鐘轉速就由7,600轉調到7,000rpm，不過紅區就可去到7,800rpm，0-100km/h加速由4.2秒略增到4.5秒，0-200km/h亦只係14.1秒，可見呢副被稍為收歛咗嘅自然吸氣水平對向6汽缸引擎依然係幾咁好氣好力，絕對係手波車迷嘅dream car！ 連結：甜蜜的焦點Ten Best 2021│最實際Honda Jazz Crosstar經過變種嘅 Jazz Crosstar，雖然只係crossover車型，但除咗升高車身，車頂仲加埋行李架，甚至連座椅都用埋防水物料；而Jazz嘅靈活座椅編排模式，可以方便裝載長型物件之外，仲有可以將後排座墊收起的模式 ，又可存放高身物品，令用家可以更加靈活運用空間。 連結：變種家庭車Ten Best 2021│最誘人Porsche Cayenne GTS當越來越多汽車變為電動車，當非常好聲嘅大容積引擎買少見少，配4公升V8引擎嘅Cayenne GTS，係咪立即變得好吸引呢！ 連結：回歸V8狂野Ten Best 2021│最抵買電動平治Mercedes-EQA 250最大馬力190匹嘅EQA 250，雖然仍然係以GLA平台而非EV專用平台發展而成，但375Nm峰值扭力配合電動摩打，起步加速依然有相當凌厲表現，而且最長續航距離有426公里，表現亦算充足而合理，在山路上轉彎抹角亦十分靈敏而且穩定。不過最吸引用家，應該係容易負擔嘅$375,000一換一售價，加埋駕駛輕鬆容易及合理車廂空間，成為非常有競爭力嘅平治電動SUV。Ten Best 2021│最科幻BMW iX以專用EV平台發展而成寶馬iX，除咗配備寶馬最先進嘅技術，仲有最新嘅第5代EV電動組模式平台及電動摩打，效率更高，重量更輕，電池組合更靈活，而且更易保養及維修，電池容量更高，所以續航力更加長，以iX xDrive40為例，最高續航力有425公里，0-100km/h需時6.1秒，看似唔係好快，但其實起步嘅加速力都相當有爆炸力，完全令人唔覺得車重已接近兩噸半，而且車廂空間十分寬敞，加埋最新嘅寶馬信息娛樂系統及駕駛輔助系統，牌面上已相當吸引。Ten Best 2021│最長氣又豪華舒適Mercedes-EQS 450+平治EQ電動車系嘅旗艦，同時亦係平治第一款採用電動車平台發展嘅豪華及行政級型號，亦創咗量產車型最低嘅Cd 0.20風阻系數。而續航力夠晒長氣，達到785公里嘅EQS 450+，不但乘坐享受一流，後座空間寬敞，行車非常寧靜，操控亦相當靈活敏銳，一換一售價$1,420,000起。Ten Best 2021│最物有所值電跑Audi e-tron GT quattro電動四門轎跑設計嘅Audi e-tron GT quattro，同分享底盤嘅保時捷Taycan 4S係表兄弟，Taycan 4S 輸出 390kW(530ps) 及 640Nm，4秒完成 0-100km/h 加速，續航力 407km；而 e-tron GT 的輸出是 350kW(476ps) 及 630Nm，4.4秒完成 0-100km/h 加速，續航力488km，而兩部車價就相差$157,000。不過e-tron GT 標準鋰電容量是 93.4kWh，有埋五座位及前14段調校冷暖座椅等，假如 Taycan 4S 要在設備上看齊，就要加 $122,728 購買 Performance Battery Plus，把電容量由 79.2kWh 升級至 93.4kWh，而續航力亦會同步增加至 463km；還有4+1座椅 $10,672 及 Comfort Seats $6,1016 等，加加埋埋，兩部車大約相差40萬，你會點揀？ 連結：萬人迷Ten Best 2021│最值得擁有電跑Porsche TaycanTaycan係保時捷電動四門跑車系列，就咁叫Taycan就係入門版，採用後驅設計傳送動力，配800伏特強勁電池，標準已配launch control起步控制功能，可輸出300kW (408ps) 馬力，續航力431公里，想增加續航力，又可選配Performance Battery Pack，最大馬力就增加到476ps，及續航力可以增加多53公里，即係484公里，而0-100km/h就一樣都係5.4秒。後驅版雖然加速不及四驅Taycan 4S咁快，但後驅操控配合欠奉電子氣壓嘅懸掛，車架反應就更為直接，反而更有駕駛樂趣，至於一換一售價由$896,500起，係咪好吸引又好值得擁有呢！ 逢結：電馳波子

2016年試了不少新車，當中有10架是DiksirAuto最喜愛的！【2016 Ten Best試車│最想擁有】Porsche Cayman GT4男人最痛係乜？就係當失去才知道擁有的幸福！講緊既係手波，尤其係保時捷都唔出常規型號既手波！如果你曾經想擁有Cayman GT4而最後冇扑槌，你肯定係男人最痛！連結：末代棍王【2016 Ten Best試車│最浪漫】Lexus GS F男人最浪漫係乜？就係大容積V8自然吸氣引擎加後驅！V8引擎震撼低頻，以至迷死人不賠命既中高音咆哮，仲有唯獨V8引擎先至會越踩越激烈既油門反應，實在係充滿old school既浪漫。連結：五公升巨肺的浪漫【2016 Ten Best試車│最戰鬥格】Mercedes-AMG A45兩公升直4 turbo引擎可以去到幾盡？0-100km/h只需4.2秒都可能未夠盡？加埋狂野排氣聲浪，加埋激進駕駛反應，都夠淋漓盡致喇卦！連結：辣無赦【2016 Ten Best試車│最有型】Jaguar F-Type英國跑車未必係最快，但係線條一定優美，同埋一定好型。雖然F-Type並非大容積V8引擎，不過副3公升V6超級增壓機器既咆哮聲勢，加埋充滿挑戰既操控反應，就會覺得占士邦上身，型到爆呀！連結：野性驚豔【2016 Ten Best試車│最好劈】Volkswagen Golf GTI Clubsport好劈既車其實都有唔少，不過能夠令人再三回味既，居然係40萬有交易既小鋼炮Golf GTI Clubsport。連結：頭轆王【2016 Ten Best試車│最迷人】Ferrari California T Handling Speciale當大部份車迷都只會鍾意法拉利激情既一面，柔情而迷人既California，反而冇咁易撞款，加埋電動硬頂，仲有兩個屈蛇後座，實在係太迷人喇！連結：有驚喜【2016 Ten Best試車│最誘惑】Jaguar F-Pace男人最誘惑係乜？就係一架車可以同時做到跑得，有型，仲要可以做埋家庭車。連結：型紳【2016 Ten Best試車│最有態度】Lexus IS200t F Sport當德國Sports Sedan都追求硬橋硬馬鬥快鬥激，凌志依然係我行我素，講求性能與舒適既平衡，當然最重要仲要係夠型。面對一味要鬥快鬥激既用家要求，凌志都係擺出一副橫眉冷對千夫指既態度，服未！連結：真個性【2016 Ten Best試車│最抵買】Hyundai Ioniq Hybrid勢估唔到，不單韓星韓國化妝品鋒芒畢露，影響到身邊女性轉拜韓星韓流潮物，甚至連混能家庭車，都被韓國車殺出重圍。只係一架豪無花巧既Ioniq，不但外形靚，仲用埋雙離合波箱，價錢仲抵買，一個字；「勁」！連結：混能韓星【2016 Ten Best試車│最多新科技】Mercedes-Benz E-Class第10代E-Class在同級對手中唔算最靚最型，不過新科技之多(如果香港可以全部引入)，肯定用到劏車果陣都未必完全用得盡，同時亦係量產車距離自動駕駛更近一大步既傑作。撇除新科技，E-Class仍然係一架在各方面都有出色平衡既豪華行政房車，而且靠得住。連結：紳士運動員